船長意法日餐廳 (Closed)

日日都OT, 番到屋企都散哂。今日一於早少少收工，搵個fd 食下好野吹下水喇。胡麻豆腐沙律，清新健康，用黎做前菜就啱哂。仲有胡麻手撕雞，相對Heavy 少少，用作開胃業亦係幾好既選擇。咖喱牛筋腩幾入味，辣辣地又唔算好辣，配埋烤餅啱哂。南瓜餅好鬆脆，南瓜蓉好軟。呢個芝士海蝦奄列飯芝士唔算太多，奄列幾嫩滑，海蝦爽口新鮮，連埋入面既蛋炒飯食完全感受到幸福既感覺。最後梗係少不了呢到既招牌忌廉奶茶紅豆冰喇。不過今次D Cream 多左D，影響左整體味道。暫時餐廳推介既美食，有D 都幾抵，$50 - 60 連野飲。平日夜晚唔算太多人，靜靜地坐下食下野都唔錯。