紅城冰室

Open Now

Now Closed

呢間餐廳係最近新開，適逢OT季節又要晚晚OT，想試下新餐廳所以就叫左呢間。上次同事食過佢地既南洋咖哩話好食，不過我就唔想食得咁濃所以叫左個蕃茄牛肉米線。其實價錢都唔平架，要成50蚊一個，但試下啦！外賣拎琴上公司，佢地既米線同湯底係分開裝既，值得一讚。不過我一打開就打左個突，點解好似得蕃茄同湯咁少...牛肉呢？不過既然叫左就照食，食落味道又唔錯。牛肉原來沉晒係底，不過都唔係好多牛肉。但蕃茄就好多啦，同埋仲有好多蕃茄碎，所以都都好香蕃茄味。不過我下次就未必叫呢個啦，畢竟分量都唔係好多，可以試下佢其他野。