鮨魂 (Closed)

老公為自己生日揀咗一間係大埔開既Omakase，一黎近、二來食評都係全讚、三來未食過Omakase，所以決定一試lunch，果然無令到我地失望。老實講，大埔真係無呢類型既日本餐廳，所以開頭都驚會伏，餐廳門口好簡潔，場內得11個吧枱坐位，裝潢唔錯。午餐只有兩款，$300、$450，我地就揀咗前者有10件壽司，完全由師傅拍版今日既壽司款式。吧枱上有塊簿磚，右下角會放上唔辣口既薑帶甜味，食完個蒸旦頭盤，師傅就開始整第一款壽司，其實我本人唔太好魚生，總係覺得有腥味，但原來新鮮既魚生係咁好食，而且師傅會逐一介紹每款壽司，同埋食完一件先整下一件，保證係你前面即整，今次令我最有驚喜係秋刀魚、馬糞海膽、甜蝦、葫蘆瓜手卷、柚子雪糕。同師傅傾開先知秋刀魚係9月、10月最肥美，亦係時令食材，加上少少薑汁同葱蓉，吊起秋刀魚鮮味，真係一試難忘，我地都好彩趕得上試到季尾既秋刀魚。我試過係迴轉壽司食過，帶有腥味，但竟然係呢度俾我食到咁好味既秋刀魚；北海道既馬糞海膽又係好鮮甜，師傅仲話要趁紫菜脆口快d食。今次既生日飯局，老公非常滿意，$300加埋1，可以食到咁正既Omakase係好值，絕對有下次同埋師傅都好好傾，唔會