加上好熱既關係 就去左HYSAN搵搵食咩好
同友人放工後周圍行 行到大約九點大家都好肚餓就搵左間相對排得快既BB1
完全不知道呢間餐廳背景 但大家睇住menu覺得幾靚加上都喜愛越南菜
所以就攞飛了 等了大約十分鐘就有位
其實見到set dinner都幾抵食 不過又沒有想食的小食所以最後散叫了
豬扒撈檬 首先說說豬扒 豬扒很香口 不過較為乾實 如果淋一點會更好食
檬粉伴上青瓜絲 蘿蔔絲 生菜絲 加上酸酸甜甜的魚露 好開胃
蒸粉卷 一直最喜愛越南菜的蒸粉卷 結果不負所望 適中的餡料 咬落去好滿足
越式拼盤 有蔗蝦 扎肉 春卷 沙嗲串燒雞 剛好是二人份量
原本諗住散叫蔗蝦 但原來散叫一件蔗蝦要$25一件 而這個越式拼盤都只是$108
所以最後都叫呢個拼盤 是一般的蔗蝦 沒有什麼驚喜 不過散叫價錢實在有點不值
扎肉切得厚身 帶有黑椒味 串燒雞配上沙嗲醬 燒得香口 雞肉滑滑的 沙嗲醬味幾濃好好吃
而春卷就跟上生菜 不過生菜片略嫌較細 不能完整包起春卷 春卷炸得很脆不過不是太香口
拉椰糕 其實好鐘意食拉椰糕的 不過這個太粉 椰子味亦不太足夠 感覺就像沖粉似的椰汁糕
有點失望
埋單不過$300 for two 價錢算是合理的而且都幾抵食
值得一提的是店員服務態度實在不錯
