梅之味 (麗都大廈) (Closed)

之前好hea咁分享左梅之味既食評，呢次認真少少影😂。呢間久唔久都會試下，呢次掛住佢個雞扒就帶個未食過既同事黎。等左一陣位，坐左2人枱。佢既坐位都係比較逼，不過lunch都唔會要求太多。🔅蕃茄濃湯配香酥雞排 ($72)蕃茄湯係同事食，佢評價係真蕃茄味😂。雖然睇落湯都比較清但又無假既蕃茄茄膏味，都唔錯。米粉都幾大碗，唔係特別大食既男同事食都夠晒飽。雞扒都係大大塊，同事嫌太熱氣🤣。🔅招牌擔擔麵配香酥雞排 ($74)擔擔麵就好香濃，叫埋麵真係飽到上心口😂。比我心目中第一既擔擔麵都差少少，唔夠花生香，可以加番啲肉碎同花生碎，有少少辣就好啲。雞扒既炸粉唔算薄，但我又幾鐘意佢既口感，不過呢次就偏乾少少。💬雖然梅之味味道都唔差，但cp值唔算高，仲要加左價…比起早幾個月加左$4就更加唔抵，久唔久食一次都ok既。