Video
Read full review
2005-06-09
11 views
Breadtalk o係東南亞係好有名氣o既連鎖式麵包店, 最出名就係肉鬆麵包+開放式廚房, 仲上埋市. 美心旗下o既simply bread都係抄佢o既概念.最近兩年, Breadtalk開始o係中國大展拳腳, 首先o係上海開左差唔多十間分店, 之後陸續o係北京, 深圳設店. o係大陸, 當本土麵包店仲係做緊2蚊一條大方包時, 佢地夠膽一個個裝紅豆包收你五蚊, 家庭裝麵包更要15-20蚊!但係門口依然永遠有一條長長o既人龍o係度排隊等俾錢!o係新加坡, 上海, 北京, 深圳同香港都食過佢o既麵包, 每個地方o既分店水準都幾好, 而且幾致, 覺得佢o係培訓同QC方面都幾有水準. 以下係幾款推介o既麵包(有d可能暫時未o係香港分店供應, 但相信o係不久將來就有, 因為其他幾個地方o既分店都有供應):1)蕉點: 係香蕉紅豆包, 原片香蕉加上紅豆係好搭檔, 又香又甜, 係上海同北京分店甜包best seller!2)辣鬆, 鬆鬆: 兩款都係肉鬆包, 前者帶辣. 肉鬆包係此店招牌貨, 所有地方o既best seller! 標榜用新加坡高級肉鬆, 加上香滑蛋黃醬. 味道係唔錯, 但係食唔出有特別
最近兩年, Breadtalk開始o係中國大展拳腳, 首先o係上海開左差唔多十間分店, 之後陸續o係北京, 深圳設店. o係大陸, 當本土麵包店仲係做緊2蚊一條大方包時, 佢地夠膽一個個裝紅豆包收你五蚊, 家庭裝麵包更要15-20蚊!但係門口依然永遠有一條長長o既人龍o係度排隊等俾錢!
o係新加坡, 上海, 北京, 深圳同香港都食過佢o既麵包, 每個地方o既分店水準都幾好, 而且幾致, 覺得佢o係培訓同QC方面都幾有水準. 以下係幾款推介o既麵包(有d可能暫時未o係香港分店供應, 但相信o係不久將來就有, 因為其他幾個地方o既分店都有供應):
1)蕉點: 係香蕉紅豆包, 原片香蕉加上紅豆係好搭檔, 又香又甜, 係上海同北京分店甜包best seller!
2)辣鬆, 鬆鬆: 兩款都係肉鬆包, 前者帶辣. 肉鬆包係此店招牌貨, 所有地方o既best seller! 標榜用新加坡高級肉鬆, 加上香滑蛋黃醬. 味道係唔錯, 但係食唔出有特別過人之處, 覺得simply bread, 山崎o既肉鬆包都一樣好好味!
3)咖啡堡壘: 咖啡味o既鮮奶球, 裡面係咖啡醬. 外皮幾脆, 裡面o既咖啡醬同A1差唔多, 好濃咖啡味, 唔錯!
4)花生奶酥/原味奶酥: 都係鮮奶球, 裡面係雞尾餡, 雞尾餡調味幾好, 不過都幾大個, 食完都會幾漏.
5)抺茶三豆包: 家庭裝麵包, 緑茶包底配上日本三種甜豆, 包底好濃抺茶甘味,同甜豆味道好配合, 好味!
6)緑茶紅豆包/超人紅豆包: 紅豆餡好足, 前者因為包底略帶甘味, 整體無咁甜, 個人較受落.
7) 阿扁: 係芋頭蓉包, 扁扁o既外型, 同台灣無關. 餡料係以芋頭打成蓉, 真材實料, 都幾好.
整體水準係不俗, 而且幾有創意, 仲有好多以東南亞食品入饌o既麵包, 如long tong, 咖哩, 沙嗲麵包等, 可以一試.
Post