北口韓國地道小食 (Closed)

原本約fd 去另一間韓國食店的，但因為落雨，但仍然想食韓國野，所以去左韓國街睇下有咩食。之後就見到依間n 年前同老公一齊讀書時黎的韓國食店，都有d情意結既關係，所以想再食！佢係一家好簡陋既食店，因為讀書時想出街食，但又唔想食咁貴，所以搵到依間韓國小店。我地揀左我鐘意食既紫菜包飯、韓式辣年糕同甜辣雞球。紫菜包飯不過不失，配一個唔知咩汁，但食落去似wasabi味～仲送左碗湯俾我地，上面有d蔥花，飲落去有少少辣。我估係蘿蔔水😆之後個辣年糕，煙煙靭靭，都幾辣～個甜辣雞球調得幾好，甜辣適中，但上面d花生唔夠脆😝之前係韓國飲過梨汁，但桃汁就未飲過，依度見到有梗係試下啦！好甜好味，中和返食緊d辣野😁😁提提大家，因為依度食野都算平，都以有d條件我個人覺得可以接受，就係頭先講依度比較簡陋，所以煮食時，有油煙味！但因為依個價錢，所以可以接受！