MOO MOO Plus (百德新街) (Closed)

雖然銅鑼灣係好逼，但行到去fashion walk 個度其實就會比較鬆動，我地選左間食burger 既moo moo plus 享受周末時光。餐廳有bar枱同普通餐枱，有好多外國人係度食，感覺有D似赤柱。我地點左個經典之堡同滋味雞堡。經典之堡的確唔錯，用優質安格斯牛肉，打成既漢堡夠厚，包係有烤過，脆脆地但內裡又有鬆軟感。牛肉非常juicy!! 雞堡滋味既位係個醬酸酸甜甜，但又有點微辣，原來係加左D是拉差醬。雞肉都夠嫩滑，一樣都係肉汁非常多!配上既黑醋沙津、蕃茄亦新鮮。份量都適中，但食完成個又冇覺得膩wor!既然唔膩又會想開另一個胃，食食甜品。叫左獨一無二 (new york cheese cake)，估唔到一份係有兩件，一件有清新士多啤梨醬，一件就配上新鮮藍莓。芝士味比較light，餅底較甜。慢慢享受下外面既街景，慢慢嘆，都係一個對自己既獎勵。呢度既飲品有好多酒類選擇，牆上亦有大電視，睇波短聚一流，下午食就好chill，夜晚食應該好有feel。