見到呢間Moo Moo keep住有客出入就試吓啦。佢哋嘅漢堡即叫即做，又真係聽落好吸引，就同同事揀咗兩個set， “🍔熱帶之堡 ($67) + 🍟肉汁芝士薯條配汽水🥤 ($29 升級)” 同 “🍔白菌之堡 ($65) + 🍟芝士肉醬薯條配汽水🥤 ($29 升級)” 。
🍔熱帶之堡 + 肉汁芝士薯條🍟🥤
個漢堡麵包都好鬆軟仲幾香包味，同其他餐廳嘅漢堡好大分別。美國穀飼牛配芝士、菠蘿、生菜、蕃茄、煙肉，加上千島醬，呢個配搭覺得幾醒胃。
肉汁芝士薯條份量唔細，個汁都好香濃，同個熱帶之堡幾夾。
🍔白菌之堡 + 芝士肉醬薯條🍟🥤
白菌之堡有美國穀飼牛配白菌、芝士、生菜、蕃茄、煙肉，加埋啲醬汁都好juicy，下次再食。
份量超多既芝士肉醬差唔多遮住晒啲薯條！
如果唔鍾意有醬汁嘅薯條，加$15就可以有汽水加普通薯條或者細沙律。除咗漢堡包，佢哋亦都有沙律餐，一班人嚟食唔搵搵唔到鍾意嘅嘢食。
餐廳裝修走美式風格，雖然唔算大，但係都坐得好舒服，而且後巷仲有露天位，都好乾淨。
趁而家天氣仲涼涼地，可以坐喺出邊，都算係觀塘繁忙街道中，一個可以chill下嘅地方。
🍔觀塘巧明街94-96號鴻圖中心地下1A號舖
🍔Tel 9496 8213
