系朗豪坊附近 個位置好易搵
高挑樓底 間餐廳好似野外咁好多花同空曠
開放式廚房同水吧位 都幾有外國感覺
叫個兩人餐 有晒前菜主菜之類
海紅蝦他他
蝦肉切粒 無乜調過味
中間有啲蝦米仔同魚籽 多翻口感
新鮮剌身他他 可以襯米餅食
馬拉盞鮮蟹肉意大利飯
酸甜味道 有啲細蕃茄仔
蟹肉加蟹柳絲 溝落飯度食 幾得意
唔同甜味 蟹肉一絲絲增加口感
啲飯唔會話太熟 食落去酸酸地幾好味
呢個飯可以令到更加開胃
香煎美國封門柳
側邊有個沙律同埋少少涼拌菜
等你食肉嗰陣 有返少少清爽嘅感覺
肉眼切到成每塊 好有肉香
表面係全熟 入面系好嫩
肉汁會流出嚟 間唔時食返沙律中和翻味蕾
BBQ鮮牛肉手工薄餅
甜甜地bbq醬 肥牛肉片加濃郁芝士
超薄餅底 仲要脆口香香芝士味
拎上手拉絲芝士 夾住牛肉食
完全系停唔到口
