德興火鍋海鮮酒家 (Closed)

今晚同Mummy仲有佢d朋友去德興食飯, 之前睇到報紙有個套餐見好抵咪去試下lor, 6位$666 全包。我地6點半去度話要order lee個set, 個部長話要9點交枱, 我地都覺得ok la, 但係我地7點鐘叫佢起菜, 唔洗40分鐘已上到炒飯, 炒飯上左都唔夠5分鐘, 佢地連美點都拎埋來, 真係咁趕咩, 唔係話9點前交枱咩!!!! 我地一路食就一路覺得佢地係咁趕我地, 我地每食完一碟就有人馬上以9秒9之快去收碟, 未到8點, 佢地已經上埋果盤, 我諗全香港佢地o既效率都算數一數二。講到食物o既質素, 真係一分錢一分貨啦, $666蚊都唔可以expect太多, 只可以講ok la, 油多左d, 食完好似飲左油咁。我地決定去lee度不如去大家樂, 我諗大家樂都唔會趕客趕成咁。