REFLECT Restaurant & Bar

大家真係唔好食，首先，我同女朋友諗住慶祝情人節就bk咗20:30枱，我哋準時去到，被通知話要等一陣，但係就等到21:00先入座，都唔緊要，我哋覺得多人食，即係代表間餐廳OK啦。咁入到去嗌左個情人節套餐，有1個頭盤，2碗餐湯，兩個主菜，我哋就揀咗個豬鞍同埋意粉，一個甜品。咁首先嚟咗個頭盤啦，就係牛肉他他搭配巴馬臣芝士以及香脆法包多士啦，嚟到賣相幾靚，但係嗰塊「香脆」法國包多士真係搞唔掂，一啲都唔脆，越咬越韌，好似香口膠咁。跟住個餐湯就中規中矩。跟住就到個重頭戲啦，即係主菜，但係主菜同餐湯期間嘅等待時間係大約一個鐘頭15分鐘，我同我女朋友心諗究竟煮乜嘢豬鞍可以煮咁耐，喺等待期間亦都向店員催咗幾次，甚至等到我女朋友都就快發脾氣，所以最後嗰次同店員講：我哋唔等啦，埋單啦。個店員同我哋講返就快做好。跟住份嘢嚟到我哋先發覺，原來佢哋係將全間餐廳嘅同一樣餸要一齊出爐，咁我已經覺得好奇怪，同埋咁樣咪對早過我哋入座嘅食客好唔公平，因為我哋食緊頭盤嗰陣時就聽到隔籬枱話已經等咗個主菜成個鐘，所以我先覺得唔公平，好彩個豬鞍同意粉都算正常嘢。最後個甜品（白桃芭菲）我同我女朋友都已經嬲到不予置評。所以我覺得咁多位