BBQ 7080 (Closed)

Item: BBQ 7080
Rating: 5
Author: conniecheung

130 Reviews

Taste

Decor

Service

Hygiene

Value

3601

Mong Kok

$101-200

Korean Roast Meat Buffet

conniecheung

Level4

1.7K

Read full review

昨天同朋友來了這裏食韓國燒烤, 之前已聽朋友講食過佐敦店話好味道的, 今次我們去左旺角店, 原來都有好幾間分店的呀, 本來有三個人, 有一個朋友突然唔得, 所以只係得我同朋友兩個. 我們訂左6:30的, 但係天雨遲左少少. 去到已見都幾多人啦喎, 仕應安排了一張細圖枱俾我地, 放好晒袋及褸後就開始睇下食咩啦. 仕應轉頭已攞晒D前菜, 生菜, 茶, 醬油俾我地, 嘩, 好多嘢, 有一樽冷麥茶, 然後一醬油有兩碟, 一碟其實我都食唔到係咩咩, 有少少麻油咁, 一碟係生蒜片同埋青辣椒片同埋一款係麻醬. 那麥茶都OK的. 夠凍.

前菜係一碟泡菜, 一碟豆芽, 一碟洋蔥絲及蔥粒, 一碟冷豆腐, 豆腐面有一片青瓜, 朋友話青瓜都割開左, 好有心思, 因豆腐有些醬汁, 如果青瓜割開左, 咁就可以入味少少啦. 泡菜都幾香, 唔會好辣好咸, 好味, 豆芽都好好味, 爽口的, 豆腐好滑又香豆味, 加埋D醬汁一齊食正呀, 仲有一碟係洋蔥絲, 又OK喎, 唔會好辣, 可以去肉味及油膩感.

我地已諗好食咩, 點左一份牛肋骨, 一條海鰻魚, 一份豬皮同埋鮑魚蔘雞湯. 之後仕應在推廣一些酒水, 我睇食評那馬格利酒都好多人叫, 話好好飲, 有幾款唔同的味道, 朋友話好想試, 仕應說最多人叫係柚子, 所以叫左一JAR柚子味道的, 細SIZE.

豬皮有三塊的, 跟一碗黃粉, 可以去油的, 鰻魚條一大條用錫紙上的, 仕應們都好好的, 幫我地燒鰻魚, 原來係成條連埋張錫紙一齊放落去燒, 好彩佢行埋嚟幫, 唔係我地會傁下傁下咁只放條鰻魚落去燒.
牛肋骨有兩大條的, 仕應又係幫手放落爐度燒. 仲要時不時走埋嚟幫反下, 剪埋添呀. 好讚的服務.

豬皮要燒到有少少透明狀先OK的, 加少少黃粉食, 真的冇咩油的感覺, 煙煙韌韌幾好味. 不過食得多都幾漏呀, 我地都食唔晒, 食左兩塊投降了. 海鰻有分日本及韓國的, 當然係食韓國啦, 原來都要燒幾耐先食得, 好肥美同埋好JUICY呀, 我本身係唔食鰻魚的, 因怕腥, 但都有食, 雖然我都麻麻那味道的感覺, 但係真的好肥喎, 朋友話好好味, 個醬汁都好好, 唔會好甜, 啱啱好呀.

那鮑魚蔘雞湯嚟啦, 嘩, 有三隻鮑魚, 同埋一隻雞, 唔知點處埋佢, 仕應見到就埋嚟幫我地分, 好細心的剪開三隻鮑魚同埋隻雞, 材料好足呀, 鮑魚好味又爽, 雞肉都好滑的, 入面還有飯架, 有紅棗, 雖然味道唔會好濃, 又唔太夠熱, 但食得出係鮮味. 份量都好多, 可能因為又肉又飯, 都幾飽.

牛肋骨好好味, 又JUICY, 第一件咩都唔加, 食到好多肉汁呀, 之後就包菜加少少醬食啦, 生菜非常新鮮, 好爽口, 卜卜聲, 又多水呀. 好美味, VERY GOOD. 那一JAR 柚子味道的馬格利酒, 好好味, 唔算好大JAR, 入面係好香的柚子味道, 同埋好多柚子架. 飲到最後成杯都係柚子, 朋友話好好飲, 忍唔住不停的映相.

我們可以食到8點鐘, 其實1.5小時都好足夠. 整體感覺係好好, 食物選擇好多, 有牛, 豬, 雞, 還有海鮮, 湯都好幾款的, 飲品選擇又好多, 有些酒精重D, 有些冇酒精成份的. 服務好好, 仕應好快手, 反應夠, 一叫就會過嚟, 同埋見到你有問題, 都未出聲叫佢, 已過嚟幫忙. 仕應有些是韓國人, 有些是香港人, 都係年青一代呀. 餐廳都算大, 我們8點走已經好多人係門口等位啦.