阿久根和牛立燒店 (Closed)

唔知食咩好，但係出面風好大，我同朋友都想食啲熱辣辣嘅嘢，於是就嚟到間和牛立燒店。聽個名覺得幾特別，立燒？朋友話係站立燒烤嘅意思，去到發現都有凳坐嘅，讓我鬆了一口氣。我就揀咗燒肉，朋友就揀咗涮涮鍋，價錢都尚算合理。風味和牛定食$98（胸腹肉2pcs 肩胛1pc 肉眼A4 1pc)包埋飯同味噌湯，對我嚟講分量OK，牛肉質素確係唔錯。阿久根和牛涮鍋$148（胸腹肉3pcs 三角肋肉2pcs 肉眼A4 1pc 烏冬)朋友就有烏冬食，我地都一齊share啲唔同部位嘅和牛食，一個打邊爐一個燒肉可以試到兩種唔同味道，幾正。