富山麵家

Open Now

Now Closed

平時已經勁鍾意呢隻得意貓貓嘅我，一見到餐廳轉咗Mofusand主題，即刻撲過嚟朝聖！今次唔單止碗拉麵靚到瘋狂影相，連味道都超有驚喜，絕對係「相機食先」同埋「食落肚」兩樣都滿足到～ 🐱 特製黑醬油拉麵一上枱就俾塊Mofusand造型魚片擊中少女心！圖案壓得超精緻，連個碗都係特別訂製，未食已經瘋狂打卡。拉麵偏粗身，咬落去煙韌彈牙，湯底濃得嚟唔會死鹹，仲有啖啖肉嘅炆到腍晒嘅豬軟骨，正到連湯都飲埋！ 🍛 特製咖喱撈麵「嘩！呢個點捨得食啊？」師傅竟然用蛋絲砌成天婦羅造型嘅Mofusand，萌到心都融！撈勻啲濃郁咖喱醬，每啖麵都掛汁，仲有隻炸到金黃脆身嘅天婦羅蝦，蝦肉爽彈，撈埋蛋絲一齊食，口感豐富到爆～ 🍑 特製白桃烏龍奶茶食拉麵點可以冇嘢飲？呢杯鋪滿鮮忌廉嘅奶茶，飲落有白桃清香＋烏龍茶底，尾段先滲出淡淡奶香，冰涼清爽，即刻解晒拉麵嘅膩感！ 由餐具到食物造型都落足心機，打卡位多到影唔停。嘢食都唔係得個樣，湯底、麵質、配料全部有水準期間限定主題會轉款，Mofusand粉絲要把握時間衝啊！