Chan Luk Kee

由於剛剛考完MOCK,仲有一個月就DSE,加上體重急升而決定3月展開KEEP FIT 大計, 今日係2月的最後一日,我選擇大肆一餐!!!!! (其實都係廢話)

見到OPEN RICE 上的食評,身為上水人十多年只係食過廣城,農家意粉等等之外,我竟然無試過呢間陳六記!!!虧我仲成日去德明,但完全無視就係隔離既靚燒肉~~~!!!!? SO!我下晝兩點幾到達,迎接最後一餐....

去到門口,第一時間影張相先~

港式餐廳的門牌都愛用紅字

1

明碼實價,童叟無欺

人到去坐低,個場淨係得一個伯伯幫襯,無計,兩點幾都食下午茶LU~~ 揀左個面對TV的位,但係我覺得牆上面的彩色紙貼好得意(好多香港舊式飯店都鐘意咁裝飾個牆)

餐牌都冇睇就叫左個油雞燒肉飯。先35元,就有咁多雞同燒肉,邊到搵?碗例場好足料又大碗,D雞幾爽口但唔係嫩滑個TYPE囉,而燒肉唔係炭燒五層樓果D,所以唔好誤會呀!嘿然係凍的,但皮仲係脆口,跟埋少少軟骨,尚算可口~~

都係跟餐例湯,但係好大碗

油雞燒肉飯,$35

成個餐係齊到~

食到咁上下,我決定博盡叫多碟例牌炭燒五層樓,如果唔係又點算叫黎過陳六記!?果然係唔同D!肥肉好爽口,皮燒到好脆,雖然都係凍的,但點一點芥末,放入口之後,一切的問題都已經唔係問題。(原來芥末仲好食過配白沙糖....0,0)

主角炭燒五層樓登場~~ $58

最後,埋單35+58+7(一罐CREAM單叫), 剛剛好HK$100,正呀~! 上菜快,無加一,去邊到搵? 食完之後科科都5就好啦,DSE FIGHTING!!!!

食飽飽走人~