但係應該係好舊好舊嘅新聞🥺🙈入到去好少人都完全唔同晒見到佢係類似茶餐廳加點心再加越南粉😂😂好搞笑，但係好處就係咩都有得食
雲吞麻麻哋，有六粒細細粒，但係就唔香，而且唔多蝦 唯一好嘅係有啲生菜
皮蛋瘦肉粥唔掂，對食唔講究嘅男朋友都覺得啲皮蛋唔靚，而且得好少肉絲 同埋個粥好似爛晒，但係唔係嗰種整得好嗰種 應該係用啲好舊嘅飯來煮爛
腸粉不過不失，他大大隻，不過就唔係好特別嘅味道
應該係話冇咩味？
$60嘅越南河反而係最好味，生熟牛肉湯河，經過廁所嗰時見到其實大部份人都係食越南粉，果然食開就知道應該唔係食點心嘅材料。😂😂
欣賞佢咁多醬汁 幾好味
越南粉好多牛肉，不過湯底調得普普通通
棉花雞好好 好多肉，而且係瘦嘅雞肉
整體而言服務態度好，不過環境可圈可點
睇落好乾淨，但係成個過程根本好多蜘蛛烏蠅仔喺度飛🙄🙄試過就好了
