Video
Read full review
2010-09-26
49 views
今日同男朋友預祝紀念日+慶祝佢第一關面試成功之前收到電郵的promotion. $298 情侶+海景套餐,很吸引。所以決定一試！去之前都睇過下面的食評,所以都冇帶D咩期望去食不過竟有意外驚喜我地book 左8:30.早左去...要等一陣....個環境真係幾浪漫...對住維港，又有燭光。不過真係黑到滯...不少情侶都要開電話來照明看餐牌....我地都係...終於係轉左幾次枱的情況，我們好開心咁坐係海景位都埋包左場GE情況下開始食我們的這一餐( 在此,要讚讚WAITER 哥哥 很有耐心的幫我們轉了這麼多次的枱==")首先出場的係...波士頓龍蝦湯... 我個人認為好好飲...因為個味好濃...而且佢加左D 日本的明太子落去煮....我 好鍾意！好有口感！由於太好飲的關係....忘了拍照...(SORRY)之後就黎左個羊奶芝士焗生蠔 我見佢有寫推介生蠔架...所以報以厚望...不過我就覺得個味好奇怪...都幾唔新
今日同男朋友預祝紀念日+慶祝佢第一關面試成功
之前收到電郵的promotion. $298 情侶+海景套餐,很吸引。所以決定一試！
去之前都睇過下面的食評,所以都冇帶D咩期望去食
不過竟有意外驚喜
我地book 左8:30.早左去...要等一陣....
個環境真係幾浪漫...對住維港，又有燭光。
不過真係黑到滯...不少情侶都要開電話來照明看餐牌....我地都係...
終於係轉左幾次枱的情況，我們好開心咁坐係海景位都埋包左場GE情況下開始食我們的這一餐( 在此,要讚讚WAITER 哥哥 很有耐心的幫我們轉了這麼多次的枱==")
首先出場的係...波士頓龍蝦湯...
我個人認為好好飲...因為個味好濃...而且佢加左D 日本的明太子落去煮....我
好鍾意！好有口感！由於太好飲的關係....忘了拍照...(SORRY)
之後就黎左個羊奶芝士焗生蠔
我見佢有寫推介生蠔架...所以報以厚望...不過我就覺得個味好奇怪...都幾唔新
鮮咁...而且佢個殼同個肉係完全分開...真係....huffy:
主菜1. 黑松露帶子意粉
都係幾推介的一道菜。佢個味好清, 帶子又大粒..不過就好似冇乜味.....成個意粉整體我
同男朋友好鍾意,好FRESH 的味道
主菜2. 香燒澳洲羊架配薯菜
勁愛吃羊的我倆,都覺得幾好食...羊架有7舊...份量都幾多。廚師煮到半生熟...幾好。
若果有番少少羊味就更好(純粹個人喜好)
薯角係冇任何期望下有好高評價，充滿薯味，新鮮炸/煎出來！好好！
甜品
本身有2客木槺蛋糕..不過佢都番一客...所以佢整多個心太軟俾我地！感謝主！
木槺蛋榚....個人推推推！
我自己本身識整...不過佢依個調到個味好好...不會甜到令人只想起煉奶的味道...亦不會淡而冇味....味道恰到好處。而且見證著師傅整....好有心機般！(好想去偷師)
而且整左到幾層...心思之作。
心太軟....男朋友推推推！
我個人認為不是太好...內裡的朱古力很快凝固...好甜....而且佢個雪糕的口味好奇怪...我唔太鍾意....不過男朋友就幾鍾意。佢話食完D朱古力...食啖雪糕...就唔會咁甜...而且個心太軟係即刻整好熱..好正WOW
飲品...我叫左蜜運中....荔枝+蜜桃....好清好味！
男朋友叫左蜜月期...不過佢唔記得係咩MIX=="
整體來說,,若880 去食,就固然不抵...但298...我覺得係不錯的。
看著維港...又可以情深望住伴侶...使我一週的壓力全消！
希望多D promotion...我們都會再去的。
再一次讚讚服務真的好好！WAITER 哥哥好有禮貌
THANK YOU FOR GIVING US THE MEMORIAL DINNER
Post
