馬祖無限時台灣養生涮涮鍋

Open Now

Now Closed

今日嚟咗瓊華中心不嬲多美食，嚟馬祖無限時台灣養生涮涮鍋食放題，餐廳闊落光亮，食物選擇都好多，CP值真心高🥰我地叫咗套餐二，有四款肉類可以揀，個人最鍾意安格斯牛頸脊，牛味香濃，而且雪花分布都好均勻☺️湯底方面叫咗台式沙茶牛肉涮涮鍋，沙茶味都好濃郁，而且湯底嘅牛肉都好足料，滋味爆棚😋仲有每台都會送黃金地瓜條，落咗少少梅粉落去，識落酸酸甜甜好滋味☺️另外我哋仲叫咗配料有響鈴同埋魚皮，脆身索湯❤️海鮮方面我哋叫咗白鱔片、脆骨腩、鮮海蝦、帆立貝等等，我哋超級鍾意白鱔片同鮮海蝦，非常之新鮮，肉質爽口，Encore左兩三碟😘其他配料例如長蟹柳、墨魚滑、牛丸等等都非常之唔錯，食得好開心🤩飲品方面黑糖冬瓜檸檬茶非常之清甜好飲，超級推薦；甜品方面叫咗Movenpick嘅雪糕同埋Dreyer’s嘅焙茶雪糕，非常香濃，飯後甜品一流正😍