龍門冰室 (Closed)

去茶餐廳必點嘅係咖哩牛腩飯，見餐牌話呢一款係秘製嘅咖哩牛腩飯，諗都唔使諗，即刻叫咗一碟✨✨一上枱已經聞到陣陣椰香， 眼見牛腩分量十足， 已經忍唔住立即起筷！ 牛腩切成一粒粒煮得唔單只好淋好入味💕💕仲有一絲絲牛肉的口感， 特別要讚下充滿椰香的咖哩汁， 調味適中唔太鹹， 食埋軟淋淋嘅薯仔不得了~~每次食午餐多光顧連鎖快餐店，好耐冇食過傳統味道嘅芝士咸牛脆豬！ 呢個脆豬足足有一隻半手掌咁長， 外皮脆卜卜，新鮮烘熱！打開個脆豬，估唔到裏面牛肉份量可以咁多， 我諗冇大半罐都有半罐嘅份量😂😍 鹹牛下面有一塊半融嘅芝士， 如果熱啲再多啲芝士就好啦~餐廳好細心咁已經將個脆豬切開一半，方便攞起嚟食👍👍 鹹牛嘅鹹香加上芝士嘅奶香 絕對係絕配~再嚟多杯紅豆冰！ 一上檯見佢白雪雪嘅樣以為係淡而無味嘅飲品， 點知用匙羹撈底， 即刻見到大量飽滿嘅紅豆， 成杯嘢飲嘅椰汁、紅豆同煉奶仲有冰粒嘅比例恰到好處！🤗🤗人均消費40幾蚊， 食到咁嘅質素嘅冰室嘢食，真心抵。