Mamaday (Closed)

今日又去超人氣既玩味cafe Mamaday食飯，今次去銅鑼灣分店，係鵝頸橋附近既舊樓既一樓，可以行樓梯或者搭lift上去。好耐冇黎食午餐，今日午市時間黎，好多人。Mamaday嘅午餐包主菜同蜂蜜紅茶或美式咖啡。主菜有七款揀，最正係可以用優惠價加湯或沙律，特式飲料，小食，同甜品。個優惠適用於所有主食。XO醬燒帶子長通粉 $138 另加一XO醬燒帶子長通粉有3隻帶子，整得入面仲有少少生，食落鮮甜唔韌。其他配料仲有唔少菇片同少少辣椒，最後加少少香草同芝士粉喺面。長通粉有嚼勁，個XO醬味道好又唔會太重口味，食落有唔少蝦米粒，口感唔錯。春武里府是拉差醬雞腿肉比蕯個名夠哂長 $118 另加一之前試過呢個是拉差醬雞腿肉比薩一次，今次再食，等左好耐先有，肯定係即製啦。影完相我哋就即刻擺落口，熱辣辣！比蕯一客六件。雞肉切粒，配料仲有少少洋蔥絲，材料質感唔出。主要係食薄批底加軟滑芝士同醬汁，所以啖啖都係醬汁，味道只係微辣。好特別係佢加左少少薯蓉係批邊，增添香滑口感。上枱既時候熱辣辣，一定要趁熱食哂佢。每天都一樣的沙律 跟餐加$8每天都一樣的沙律係新鮮沙律菜加少少火龍果，藍莓，同紅桑子。再加左適量胡麻醬，