37
14
5
Level2
13
0
Make sure你睇得明佢個餐牌先好落柯打
2018-02-22 1000 views
其實我都食過幾次，貪佢一次過滿足哂三個願望：米線，魚，多餸。坐低阿姐就行埋嚟問食乜嘢，我諗住試新湯底，問佢有咩揀，佢話唔要魚湯有蕃茄酸辣...由於佢個餐牌都幾混亂，我望住餐牌問佢邊度睇到有咩揀，佢就話總之唔要清魚湯就蕃茄酸辣啦！我話好。一睇張手寫單，原來蕃茄係一個湯底，酸辣係另一個湯底，各6蚊，二合一共收我12蚊🙄等同兩個餸價錢。同佢講話改，例牌話煮緊冇得改。仲要響我一起筷焗住食嘅時候，嚟另一碗米線俾隔離位，話送多舊魚腩俾佢。成張台得我一個叫魚腩，唔知點解我同佢嘈完之後，隔離位冇叫但會送魚腩囉。生意佢係唔憂做，我亦一直好欣賞佢啲魚keep住幫襯，但今次之後，我會揀加兩三蚊大大碗蕃茄四小辣嘅譚仔囉！
Read full review
其實我都食過幾次，貪佢一次過滿足哂三個願望：米線，魚，多餸。

坐低阿姐就行埋嚟問食乜嘢，我諗住試新湯底，問佢有咩揀，佢話唔要魚湯有蕃茄酸辣...由於佢個餐牌都幾混亂，我望住餐牌問佢邊度睇到有咩揀，佢就話總之唔要清魚湯就蕃茄酸辣啦！我話好。

一睇張手寫單，原來蕃茄係一個湯底，酸辣係另一個湯底，各6蚊，二合一共收我12蚊🙄等同兩個餸價錢。

同佢講話改，例牌話煮緊冇得改。仲要響我一起筷焗住食嘅時候，嚟另一碗米線俾隔離位，話送多舊魚腩俾佢。成張台得我一個叫魚腩，唔知點解我同佢嘈完之後，隔離位冇叫但會送魚腩囉。

生意佢係唔憂做，我亦一直好欣賞佢啲魚keep住幫襯，但今次之後，我會揀加兩三蚊大大碗蕃茄四小辣嘅譚仔囉！
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2018-02-22
    Dining Method
    Dine In
    Spending Per Head
    $71 (Dinner)