Mad for Garlic (Closed)

今日同朋友喺奧海城附近搵嘢食，喺地鐵站一出見到有間餐廳幾有特色，於是入去試下。 店內外裝飾都好有特色，店內有兩個大嘅紅酒櫃，隔開唔同嘅枱同客人，相當有特色。 坐低咗之後我哋叫咗個，香草美國肉眼扒配法式芝士薯蓉，另外仲叫咗個蒜香卡邦尼意粉，最後仲叫咗個diy提拉美蘇配意大利手指餅及咖啡甜酒。 過咗十分鐘，美國肉眼扒配法式芝士薯蓉送上，成個伴碟好特別，塊牛扒網燒完之後放喺個煎pan上面。另外配上芝士薯蓉，牛扒叫咗五成熟，肉質鮮嫩配上香草味。 另外係蒜香卡邦尼意粉，碟意粉份量唔少，蒜香味好濃同好香，同卡邦尼意粉好夾。 最後係提拉米蘇甜品，我哋另外叫多咗三條義大利手指餅，味道加起上嚟好特別。