安平燒肉

Open Now

Now Closed

餐廳提供4個放題套餐選擇，最平由$268起，而我今次品嚐最高等級：#澳洲M5和牛 ，都只是$418，任食120分鐘！首先選擇呢個套餐最吸引我係燒海鮮，無限任食 #鹽蒜燒生蠔 、 #烤帆立貝 、虎蝦、魚類等美食，尤其有多款調味醬汁例如辣椒汁、檸檬汁、秘製五味汁等等，可以自由發揮，令海鮮味道發揮得淋漓盡致！當然主角一定要提及M5和牛，以及安格斯牛小排，兩款高質牛肉油脂分佈平均，輕輕一燒完全食出油香牛味，美味非常！除左食材燒烤以外，還有大量台灣夜市美食選擇，我個人最喜歡烤魚干及安平炸蚵卷，香脆具特色！黃金泡菜、梅山酥炸薯、滷水涼拌鴨舌都相當吸引！自助吧另有不同菇菌、粟米等蔬果食材可以燒，怕熱氣仲可以夾生菜包著食！仲有櫻花蝦拌飯、湯品、大量飲品自助領取。最後每位客人可以自選一款Haagen Dazs雪糕或者台式芋圓仙草凍。