伊賀日本燒肉料理 (Closed)

星期日同老婆遲左起身去尖沙咀睇早場，散場時已經差唔多1點，我地咩都未落個肚超級肚餓，老婆大人話想食燒肉，我接令後立即上OPENRICE搵，睇到呢間赫德道The Hart嘅伊賀日本燒肉料理，lunch燒肉放題只係$198一位，價錢好吸引，我地立刻上去walkin。The Hart非常新，樓上幾層係酒店，伊賀日本燒肉料理位於3樓，地方都好大，而且落地玻璃令餐廳充滿自然光，日式裝修風格加上寬敞嘅座位，整體環境好舒適。😙點餐係用電子餐牌，即點即落單，方便之餘亦可以更有效避免放題最容易發生嘅漏單情況。除左燒肉之外，其他任點食物種類都好多，刺身、壽司、小食、野菜、海鮮同炸物款式都唔少，就算唔燒肉，只食其他食物都足夠回本。😁未落好單店員先送上一碟燒肉頭盤，每款一人一件，呢個安排我覺得幾好，可以試到邊樣啱食先再點多d。燒肉入面我自己最鍾意安格斯牛小排，厚度適中而且牛肉味濃，我加單時點左好多。老婆就大讚伊比利亞橡果一口豬，西班牙豬嘅肉味係特別濃，而且以橡果餵養嘅伊比利亞豬肉質軟腍多汁，老婆食完一轉後再點左三轉，非常滿足。另一款比較特別嘅燒肉係漬壺牛，調味恰到好處，肉質彈牙有咬勁，味道唔錯，其他燒肉質素都