Video
Read full review
2018-07-20
228 views
今日去左九龍城同朋友食左新越越式料理，一開始仲去錯左另邊既一間😂😂呢間餐廳格局唔錯，好闊落！同朋友一人叫左一個餐，加特飲只係加$8！我叫左個扎肉炒金邊粉同三色冰，嚟到先發現勁大碟，如果有需要檸檬，可以問服務員拎！我就鐘意有d酸酸地，所以都落左d檸檬汁！個金邊粉唔會好油膩，仲有就係有好多扎肉！一d都唔孤寒，五十幾蚊咁大碟金邊粉真係好抵！朋友就叫左個海南雞飯加雙檸蜜，仲附送咗碗雞湯tim。朋友話呢到個海南雞雞皮好爽口好好味，我試左少少個飯，都幾香口！我地仲叫左2個小菜，一個椒鹽軟殻蟹，一個雞肉唦嗲串。椒鹽軟殻蟹好鬆脆好好味，仲好多避風塘脆脆，而且個量都唔少，2-3人食都夠。串燒唯一美中不足就係3串要同一款。我地叫左雞肉串，外面燒到脆脆地，入面d肉好嫩滑！仲要上枱既時候熱辣辣，真係好吸引！我杯三色杯都勁足料，d綠色啫喱條高到杯既三份之二都有！又唔會好甜，所以好好飲。朋友既雙檸蜜就係鮮檸+咸檸，如果喉嚨有d唔舒服或者怕燒烤炸物熱氣，可以叫翻杯黎飲下！每人一百多d食到飽一飽，真係性價比好高！
今日去左九龍城同朋友食左新越越式料理，一開始仲去錯左另邊既一間😂😂
呢間餐廳格局唔錯，好闊落！
同朋友一人叫左一個餐，加特飲只係加$8！我叫左個扎肉炒金邊粉同三色冰，嚟到先發現勁大碟，如果有需要檸檬，可以問服務員拎！我就鐘意有d酸酸地，所以都落左d檸檬汁！個金邊粉唔會好油膩，仲有就係有好多扎肉！一d都唔孤寒，五十幾蚊咁大碟金邊粉真係好抵！
朋友就叫左個海南雞飯加雙檸蜜，仲附送咗碗雞湯tim。朋友話呢到個海南雞雞皮好爽口好好味，我試左少少個飯，都幾香口！
我地仲叫左2個小菜，一個椒鹽軟殻蟹，一個雞肉唦嗲串。椒鹽軟殻蟹好鬆脆好好味，仲好多避風塘脆脆，而且個量都唔少，2-3人食都夠。串燒唯一美中不足就係3串要同一款。我地叫左雞肉串，外面燒到脆脆地，入面d肉好嫩滑！仲要上枱既時候熱辣辣，真係好吸引！
我杯三色杯都勁足料，d綠色啫喱條高到杯既三份之二都有！又唔會好甜，所以好好飲。朋友既雙檸蜜就係鮮檸+咸檸，如果喉嚨有d唔舒服或者怕燒烤炸物熱氣，可以叫翻杯黎飲下！
每人一百多d食到飽一飽，真係性價比好高！
Post
