日牛涮涮鍋專門店 (Closed)

今日同屋企人食lunch，因為冇食早餐好肚餓，而且天氣凍左好多，所以去咗食，一人一鍋的牛唰唰鍋。去到門口，先發現原來有得叫單碟肉，可以食90分鐘，另外配菜，飲品，甜品都可以任食。我哋本身鍾意食菜多過食肉，單碟啱晒我哋。入到去，三個人俾咗四人枱我哋，坐得好寬鬆，我食嘅係清雞湯底，配菜選擇很多，有生菜、油麥菜、娃娃菜、芽菜、各種菇類、白蘿蔔、紅蘿蔔、蕃茄、豆腐、烏冬、麵、另外丸類都有四款，非常豐富。嘢飲任飲，醬料任拎，最後仲有乳酪做甜品添~買單大概$80一位，好抵食！