牛極 (好順利大廈) (Closed)

宜家仲未有晚市，但又好想食下牛扒，所以搵左間又玩得又食得既牛扒店!牛極有提供唔同部位既牛肉，亦有雞扒、豬腩片、鰻魚等等可以選擇。入到去要自己係售賣機點左餐，比左錢先，之後就可以去隔離自助檯拎醬油、沙律、湯同飯。沙律、湯同飯都可以免費任添，所以基本上都會食得飽肚。野食好快就送上黎，而且佢用紙巾蓋住塊扒，d油無禁容易彈出黎。叫左一份牛肩排(180g)同埋一份牛柳(200g)。個人覺得牛肩排比較淋身，牛柳會比較快熟而變得難咬，所以建議大家牛柳可以唔洗燒太耐，肉質會比較好。另外湯入面有大大塊牛肉，而且有d黑椒粒同洋蔥，唔錯！餐廳環境都OK!