Harlan's

Open Now

Now Closed

一直好鐘意Harlan’s 嘅大露台，之前試過夜晚坐出去食晚飯飲野感覺好chill好舒服，但價錢就唔算大眾化，但原來而家weekend都有lunch set，仲要平過食dinner好多，正。一坐低就有幾款不同嘅麵包奉上，新鮮焗起，外脆內軟，前菜我哋揀咗黑松露湯配龍蝦，松露湯好香好Creamy，配埋原隻龍蝦，雖然份量唔多，不過好彈牙，好好味。主菜帶子香草意粉，好濃郁嘅香草味道，帶子好大粒，好鮮甜。但我覺得另一款主菜真係非常特別，係和牛舌配多士，一咬落去芝士同埋和牛舌融為一體，入口多士脆卜卜，和牛味道好濃郁，好特別嘅感覺，我從來都冇試過咁樣嘅配搭，真係好有驚喜而且非常好味。甜品有兩款，栗子甜品好香我最鍾意，另外cream brûlée 好香，甜品好好味，又唔係太甜，最後配埋濃郁嘅咖啡，呢一餐不論環境同食物都令我非常滿意。