Cossi (Closed)

今日約左朋友食lunch, 諗住去大霸街睇下有咩好食～見到呢間餐廳裝修幾靚就入左去試下，店內燈光比較暗，佈置都幾有格調，環境氣氛幾舒適。本身以為呢類西餐廳價位會比較高，但set lunch 都係$55~85, 都唔算貴～見到set lunch 既菜式都幾特別，以為係同平時d 西餐廳差唔多，點知佢有d fusion 野，將意大利菜mix 左日式，韓式，法式等既食材，我就點左個日式南蠻炸雞燒汁炒意粉配紅湯。紅湯既味道一般，有d 淡，又無湯料係入面。但個意粉令我覺得有小驚喜，本身睇落覺得d 雞炸到好乾身，但食落一d 都唔乾，外皮好脆，入面仲有肉汁～意粉上面淋左d 沙律醬，加上用左燒汁炒，所以個味有d 似食緊大阪燒，小丸子甘，幾特別！