船皇 (大埔超級城) (Closed)

難得入嚟大埔探朋友，順便搵下好野食啦！喺大埔超級城見到呢個裝修好特別，有個tuk tuk放喺門口俾大家影相打卡！再睇吓個Menu，價錢非常之親民，咁梗係二話不說入去食啦！首先講吓個船麵啦個湯底真係同泰國食嘅一模一樣，不過同泰國唔一樣嘅就係呢度份量大好多！食一碗都已經好滿足啦！除咗上面仲嗌左啲小食啦，串燒豬頸肉都唔錯！另外叫左個生菜包小辣，非常清新又惹味，跟住我見到我最鍾意食嘅甜品芒果糯米飯，咁梗係要叫啦，份量亦都係好大，食到我超飽啊！