雞翼山 (新都會廣場) (Closed)

呢間嘅雞翼有好多款唔同嘅味，岩晒成日貪新鮮嘅Lucas!! 主打要食咸蛋黃雞翼，外皮炸到脆卜卜，因為佢即叫即炸，所以上碟時仲係熱辣辣，咸雞黃味濃郁，非常滋味，小心會食上癮！！叻外叫左全新推出嘅咸擰七味雞翼，完完全全估唔到味咁夾，咸咸地酸酸地配雞翼，開胃又惹味！！第三隻味係文青玫瑰味，賣相好靚，用黎打卡一流，味道方面會甜甜地，因為用左蜜糖，同玫瑰花味亦都非常之夾，下次都會想再叫！嘢飲叫咗橙味花茶，味道好清新食完有少少Heavy嘅雞翼飲一杯真係好爽呀！