茶木‧台式休閒餐廳 (屯門市廣場1期)

Open Now

Now Closed

七一公假前夕，五天工作的叻叻豬當然會拎AL來過Long Long Weekend！好友說好想食台式多士盒，屯門選擇不多，所以最後揀了市中心的茶木，兩點多入座，竟然有一條小人龍。害我還以為有下午茶餐供應，哈！朋友選了 芒果香草磚塊蜜糖多士 $78三層厚多士疊在一起，放上一大球芒果雪糕，淋上大堆頭的忌廉，芒果醬汁，水蜜桃，士多啤梨，棉花糖等配料，簡單講就是肥！多士烘得金黃脆身，入口有淡淡的蜜糖香，第一二層都有先切成方塊，而最底那一層卻是一整片的，要自己切開，一大球芒果雪糕是一般的貨色，不過伴著微暖的多士一齊食，一冷一熱口感都幾過癮。記得不久前有個活動叫奶蓋一下，見到宣傳相都幾稿笑，令我都想奶一下～日月潭紅茶黑糖奶蓋 $33最喜歡黑糖獨有的甜味，另外奶蓋泡泡打得綿滑又挺身，好似食緊棉花糖咁，幾得意。朋友戒甜減肥，除了清水之外甚麼都不飲，所以得我一個叫飲品，兩個人兩款食物百多元，餐廳雖然設有用餐時間，但因為不是繁忙時段沒趕，這裡食物未必最好，但好多時約朋友都係想傾下計，整體來說，以屯門市中心輕食類來說都已經幾唔錯了。