YOLO (Closed)

今日約左女友係佢公司附近既一間西餐廳食晚飯－YOLO。YOLO指you only live once，門口既草牆係其中一個吸引我既地方，另外餐廳推出左二人套餐，啱晒我同女友。餐湯係南瓜湯，味道普普通通。- 小食拼盤拼盤有牛肉粒同炸軟穀蟹，牛肉粒調味唔錯，肉質唔會話太硬。至於炸軟穀蟹好脆口，不過炸得耐左少少。旁邊仲有沙律配黑醋，相當refreshing。- 焗紙包魚配薯條紙包魚能夠鎖住肉汁，魚肉質本身比較結實，紙包入面仲加入其他蔬菜包括茜芹、蘿蔔等，為魚加添蔬菜香氣。不過整體味道有少少淡。- 照燒黃油雞配薯條黃油雞切開左六大件，雞油完全逼晒出嚟，外皮香脆。另外薯條炸得好乾身。食完之後覺得I will eat dinner in here more than once🤣，套餐幾抵食，最後仲有檸檬特飲。