上海老家 (Closed)

大角咀舊區尋找上海嘅味道，大角咀有好多美食，今次搵到呢間食上海野嘅，舖頭細細間，裝修都幾古色古香，位置唔算好多，好彩walk in 都仲有位! -天氣咁熱，其實都冇乜胃口，所以就叫咗個雞絲粉皮，開開胃，雞絲撈埋青瓜絲同埋麻醬，好fresh!-燻蛋呢個出面比較難食到，真係有好濃嘅煙燻味，當中仲係流心添嘅，唔夠味仲可以自己落椒鹽，落咗椒鹽正好多!-上海回鍋肉有豆乾片，五花腩，椰菜，加上秘製嘅醬汁，都幾惹味-擔擔面麵質夠彈牙，湯底濃味而不肥膩，一碗嘅份量都夠兩個人食！-而家餐廳仲做緊promotion，喺社交平台留言就會每人送一盅蟲草花膠雞湯，好足料，好滋補嘅燉湯，入邊有雞腳花膠蟲草花，女士必食！