臺北棧 (Hollywood Road) (Closed)

本身其實係因為鮮奶麻薯慕名而來,點知原來晚市先至有得食,不過好彩呢度嘅食物質素都冇令我失望。火焰原條日式鰻魚起司玉米蛋餅用咗原條鰻魚夠晒有霸氣,覆蓋住成個蛋餅,仲有大量芝士,蛋餅裏面仲有滿滿嘅粟米,上枱後店員仲會用火槍燒一燒條鰻魚,添加一陣火焰香氣,食落惹味。台「豐」牛肉麵有兩款麵質可以選擇,分別係拉麵同刀削麵,我選擇左刀削麵,口感較為煙靭。配料亦好豐富有4大件軟淋嘅牛肉,老油條同溏心蛋。我覺得最特別嘅就係炸蟲草花。溏心蛋滷肉飯雖然細細碗但係好足料,滷肉比例啱啱好食落肥而不膩,溏心蛋流心效果極佳。伯爵茶凍QQ芋圓有台灣空運到港嘅芋圓,愛玉,珍珠,伯爵茶凍,香甜綠豆。