Video
Read full review
2018-12-29
2569 views
今日同個friend去鯉魚門度walk 一walk，偷得浮生半日閒。行到咁上下，自然想歎番個下午茶，於是我哋就入咗呢間有成五十年歷史嘅銀龍咖啡茶座。傳統茶餐廳格局，卡位細細，但唔算坐得逼夾，勁有七、八十年代嘅feel，夠晒地道，相當乾淨企理。嚟到呢度，梗係要試出晒名嘅蛋白腐乳西多($30)，同埋歎返杯老闆娘至出名嘅撚手奶茶($15)。因為得老闆娘一個one man band，所以落單、煑嘢、執枱、洗碗、收銀全部要一腳踢。雖然有個義工姐姐幫手，但係都做唔停手，可能因為人手問題，所以呢度提供食物種類好有限，除咗三文治、多士、公仔麵外，其他你都唔使諗😅。今日勝在係閒日客人唔多，所以我哋等咗唔係好耐，啲食物已經上枱。蛋白腐乳西多先上，多士邊煎得金黄脆口，内裡軟熟好入口，腐乳味道唔會太搶，就咁食帶一點鹹香，別有風味。加咗煉奶之後，鹹鹹甜甜，味道更加豐富。呢度嘅奶茶都相當不俗，香氣撲鼻，口感幼滑。原来老闆娘曾經贏過好些冲奶茶獎項，難怪有番咁上下水凖，絕對值得一試。同行友人試飲室溫羅漢果茶（$15）,清甜潤喉，果然係健康之選。聽聞呢度嘅芒果布丁同芒果多多都好出名，可惜一早已經賣晒，希望下次嚟有機會試
行到咁上下，自然想歎番個下午茶，於是我哋就入咗呢間有成五十年歷史嘅銀龍咖啡茶座。
傳統茶餐廳格局，卡位細細，但唔算坐得逼夾，勁有七、八十年代嘅feel，夠晒地道，相當乾淨企理。
嚟到呢度，梗係要試出晒名嘅蛋白腐乳西多($30)，同埋歎返杯老闆娘至出名嘅撚手奶茶($15)。
因為得老闆娘一個one man band，所以落單、煑嘢、執枱、洗碗、收銀全部要一腳踢。雖然有個義工姐姐幫手，但係都做唔停手，可能因為人手問題，所以呢度提供食物種類好有限，除咗三文治、多士、公仔麵外，其他你都唔使諗😅。今日勝在係閒日客人唔多，所以我哋等咗唔係好耐，啲食物已經上枱。
蛋白腐乳西多先上，多士邊煎得金黄脆口，内裡軟熟好入口，腐乳味道唔會太搶，就咁食帶一點鹹香，別有風味。加咗煉奶之後，鹹鹹甜甜，味道更加豐富。
215 views
8 likes
0 comments
57 views
2 likes
0 comments
87 views
2 likes
0 comments
131 views
2 likes
0 comments
呢度嘅奶茶都相當不俗，香氣撲鼻，口感幼滑。原来老闆娘曾經贏過好些冲奶茶獎項，難怪有番咁上下水凖，絕對值得一試。
61 views
2 likes
0 comments
同行友人試飲室溫羅漢果茶（$15）,清甜潤喉，果然係健康之選。
41 views
2 likes
0 comments
聽聞呢度嘅芒果布丁同芒果多多都好出名，可惜一早已經賣晒，希望下次嚟有機會試試。
Less is more！食嘢係講質量，唔係計數量。
Post
