緣味小聚 (金百利廣場) (Closed)

生日飯之最終回。今日就想食翻清淡啲，所以 選擇咗喺銅鑼灣金百利廣場7 樓 “緣味小聚“ 食蒸海鮮鍋 。268蚊一位包咗海鮮8 款，任食和牛，八寶飯同埋大量嘅點心，性價比都幾高。 出街食火鍋就食得多， 有人幫埋你計曬時間，蒸海鮮送上碟，服務周到嘅海鮮蒸鍋都係第一次。 第一道菜嘅就係 冇味精原盅燉湯 ，飲得出真係冇味精 ，淡淡地作為一餐飯開始，清一清味蕾，準備之後嘅盛宴。 先拔頭籌當然係韓國鮑魚。之後仲有蒸蝦，扇貝 等等。蒸海鮮嘅精髓就係簡單就是最好， 實而不華 ，原汁原味最好味。 另外“八寶飯“都係非常值得推介嘅，menu上有好多選擇，任君選擇八項 。我哋就揀咗 蝦醬豬頸肉，牛柳粒， 雞翼，雞軟骨肉餅，冬菇粒，炸菜絲同蒜蓉茄子。 除此之外仲有好多糕點麵包可以選擇。個人十分推介嘅就係“紫薯包“同埋“ 流沙合桃包“。 合桃包入面竟然有原粒合桃 ，而且味道都係不會太甜，健康一啲 。 仲未夠食嘅話，仲有任食牛肉。用蒸嘅方法食更加食得出牛肉嘅肉味。我一個人就整整食咗兩碟。 最後就蒸返啲蔬菜例如芋頭，娃娃菜金菇等中和番一下。 咁呢一餐就十分滿足，完滿結束。 非常推薦如果覺得打邊爐打到悶嘅時候。 試下