農舍 (Moved) New Location

同男友係香港仔搭11:20船來到榕樹灣已12:00，好多人，成條榕樹灣大街都係人。我地本來諗住去南島書蟲食午飯，點知無位，唯有來這裡吃。這間食店沒有太多人，主要都係鬼佬客。我地坐左店裏高枱，點了蘑菇芝士多士（＄３５）、７吋薄餅（＄４５）、Mocha（轉餐加＄４），要加一。蘑菇芝士多士：好厚，是用兩塊麵包整，不是普通麵包，有果仁，好香，烘到脆脆的。芝士味好淡，幾好吃。pizza：餡料有蘑菇、芝士、蕃茄、蕃茄乾、合桃，味道普通，都係無乜芝士味，硬硬地的合桃為這塊pizza加添口感。Mocha：沒有特別之處，同平時飲的沒太大分別。店鋪細小，門外都有幾張枱，服務幾好，店內的裝飾都幾特別，幾靚。