Video
Read full review
2018-02-28
1945 views
登登登登，莎莉終於出場喇!熊妹同好朋友莎莉真係好耐無見喇，事關佢1月去旅行，2月新年後先約到今日咋!熊妹同莎莉今日都係放假，不過莎莉約左堂做瑜伽，所以就特登去左佢瑜伽中心的餐廳見面食個下午茶喇。下午茶時段由2點開始到5點半，熊妹4點幾去到，莎莉岩岩上完堂坐左係度等熊妹喇。全場得熊妹同莎莉呢枱之外，就無其他人喇，其實呢間瑜伽餐廳除左呢度做瑜伽的會員係上堂前或者上完堂後食下野醫下肚之外，都應該無其他人會特登過黎食。下午茶款式其實都多，餐廳主題係主張素食，但唔係話好吸引。 每款下午茶都會包一碗迷你沙律，但唔包飲品的。加$10可以有杯能量水，見個名咁得意，熊妹同莎莉都加左。又係有牛油果食品，熊妹當然唔放過喇。焗牛油果多士有兩件，牛油果切得好薄，每件多士上有三，四片，再加埋啲藍莓粒，士多啤梨粒紅椒粒同芝士一齊焗，無咩醬料，個多士好乾身，無想像中咁好食，$53啲料又唔係豐富，唔係話好抵食。然後叫左個藜麥蛋批，都有焗熱左既，味道正常的，但真係食唔到一粒藜麥，入面啲配料都係啲青紅椒粒呀，粟米粒呀，同牛油果多士差唔多咁，好似食緊類似的野。個迷你沙律有沙律菜呀，兩塊青瓜，有啲粟米粒，藍莓粒，火龍果粒同士多
熊妹同好朋友莎莉真係好耐無見喇，事關佢1月去旅行，2月新年後先約到今日咋!
熊妹同莎莉今日都係放假，不過莎莉約左堂做瑜伽，所以就特登去左佢瑜伽中心的餐廳見面食個下午茶喇。
下午茶時段由2點開始到5點半，熊妹4點幾去到，莎莉岩岩上完堂坐左係度等熊妹喇。全場得熊妹同莎莉呢枱之外，就無其他人喇，其實呢間瑜伽餐廳除左呢度做瑜伽的會員係上堂前或者上完堂後食下野醫下肚之外，都應該無其他人會特登過黎食。
下午茶款式其實都多，餐廳主題係主張素食，但唔係話好吸引。 每款下午茶都會包一碗迷你沙律，但唔包飲品的。加$10可以有杯能量水，見個名咁得意，熊妹同莎莉都加左。
焗牛油果多士
$53
77 views
0 likes
0 comments
又係有牛油果食品，熊妹當然唔放過喇。焗牛油果多士有兩件，牛油果切得好薄，每件多士上有三，四片，再加埋啲藍莓粒，士多啤梨粒紅椒粒同芝士一齊焗，無咩醬料，個多士好乾身，無想像中咁好食，$53啲料又唔係豐富，唔係話好抵食。
藜麥蛋批
$48
69 views
0 likes
0 comments
然後叫左個藜麥蛋批，都有焗熱左既，味道正常的，但真係食唔到一粒藜麥，入面啲配料都係啲青紅椒粒呀，粟米粒呀，同牛油果多士差唔多咁，好似食緊類似的野。
個迷你沙律有沙律菜呀，兩塊青瓜，有啲粟米粒，藍莓粒，火龍果粒同士多啤梨粒，撈埋日本芝麻醬，就係好一般的沙律味咁，醬汁唔係好多，似食生菜多過沙律。
能量水
52 views
0 likes
0 comments
杯能量水就真係無咩誠意喇，就係啲生果粒加水，完全無味，另上一小碟蜜糖溝入去，但都唔係啲咩調製過的飲品，仲要加10蚊，熊妹同莎莉都表示有啲失望，搞不懂能量來源何在。
唔知係咪因為呢間餐廳以素食為主，所以啲材料都好簡單，來來去去都係個啲粟米呀青椒粒呀，生果粒配料，會岩啲追求簡單健康食譜的人的口味，熊妹同莎莉就唔係幾識欣賞喇。
咁的價錢食到outback tea喇。
Post
