☕️ 成間餐廳走文青木系風格，環境超 chill、位又闊，坐得舒服到唔想走～
佢哋主打德國菜 🇩🇪，味道竟然幾有驚喜😋 無論係同閨密嚟 high tea 🫖，定係同另一半撐枱腳 ❤️ 都啱晒～喺鬧市入面，難得有個咁 chill 嘅角落，可以 hea 住歎美食，好寫意 🧘♀️
🥗 輕煎吞拿魚配茴香沙律 $88
呢個做 starter 真係冇得彈！吞拿魚魚味濃郁🐟，配埋帶淡淡甘香嘅茴香沙律，清新又爽脆～即刻開胃醒神✨
🍠 脆炸蕃薯條 $48
唔好睇佢平凡樣子～一食就知有料到！外層炸到香脆金黃，入面軟糯香甜😍，齋食都好食，會令人一條接一條停唔到口！
🐷 傳統西班牙脆皮乳豬配烤鮮果 $238 ✨推薦✨
今晚嘅 MVP 💥 絕對係佢！乳豬皮薄脆到出聲「卜卜」～肉質嫩滑多汁💦，配埋烤菠蘿🍍酸甜平衡油膩感，完美組合～嚟到一定要嗌！🔥
🥩 石燒熊本和牛西冷（8oz）$288
成件事好有儀式感🔥！熱辣辣石板配粉嫩和牛～「喳喳」聲一響，香味即時撲鼻🤤。可自由控制生熟度，油花幼細，入口即溶，幸福感滿滿💖
🍝 蒜香海鮮墨魚汁卷卷粉 $128
造型得意又吸汁～每啖都食到濃濃墨汁同蒜香🧄，超惹味！蝦同魷魚都爽滑彈牙🦐🦑，滿口鮮味✨
🥘 傳統海鮮西班牙鐵鍋飯 $188
上枱時熱辣辣夠晒鑊氣🔥～飯粒吸滿海鮮湯同番紅花精華🌺，濕潤又夠味，飯焦底更係靈魂所在～脆卜卜超香脆！料多實淨，大蝦🦐青口🦪蜆樣樣有，$188 CP值爆燈💯
😅 今次唯一嘅遺憾，就係德國鹹豬手🐖同鹽焗魚🐟竟然賣晒！太搶手喇～唯有找個機會再嚟一轉啦😉
