Video
Read full review
2020-07-09
461 views
談不上係常客, 但一年總會嚟幫襯不下於十次。 食物質素其實一向係中上, 但尋晚被侍應對待的經歷真係令我唔想再嚟。原本都唔諗住上嚟嘥時間作文比劣評, 但一睇之下, 原來之前同樣有食客話個雞扒唔熟的問題; 諗左一諗, 呢間野都係唔抵幫, 要上嚟出個劣評警剔下大家先得!話說我點左個雞扒漢堡, 塊雞扒係幾厚下, 成個包的味道係 ok o既, 但食到後段將個包放落碟用刀切開嚟食的時候, 發現開出嚟的雞扒有一部份係未熟 - 喺佢間舖咁昏暗的燈光之下都明顯睇得到舊雞肉係粉紅色。 因為都食到尾有 d 飽, 再加上佢未熟透, 都唔諗住再食啦... 於是搵個冇戴眼鏡的侍應姐姐埋嚟同佢反映返個問題, 以下係真實對話, 歡迎店家隨時留言對質:我:「唔好意思小姐, 個包塊雞扒好似唔係好熟得透」侍應望左一望之後答:「唔係呀, 正常架塊雞扒~ 我地自己食都係呢個生熟度」我:「會唔會係塊扒太厚所以煎得唔夠透?」侍應:「客人如果想食熟 d 呢, 可以同我地講; 如果唔係就會係呢個熟度。 同埋我地 d 雞扒係用蘿蔔同唔知乜野一齊醃制 (個姐姐真係同我講 "唔知乜野"), 所以有呢個顏色係正常」聽到呢度, 我己經再冇心力再
原本都唔諗住上嚟嘥時間作文比劣評, 但一睇之下, 原來之前同樣有食客話個雞扒唔熟的問題; 諗左一諗, 呢間野都係唔抵幫, 要上嚟出個劣評警剔下大家先得!
話說我點左個雞扒漢堡, 塊雞扒係幾厚下, 成個包的味道係 ok o既, 但食到後段將個包放落碟用刀切開嚟食的時候, 發現開出嚟的雞扒有一部份係未熟 - 喺佢間舖咁昏暗的燈光之下都明顯睇得到舊雞肉係粉紅色。 因為都食到尾有 d 飽, 再加上佢未熟透, 都唔諗住再食啦... 於是搵個冇戴眼鏡的侍應姐姐埋嚟同佢反映返個問題, 以下係真實對話, 歡迎店家隨時留言對質:
我:「唔好意思小姐, 個包塊雞扒好似唔係好熟得透」
侍應望左一望之後答:「唔係呀, 正常架塊雞扒~ 我地自己食都係呢個生熟度」
我:「會唔會係塊扒太厚所以煎得唔夠透?」
侍應:「客人如果想食熟 d 呢, 可以同我地講; 如果唔係就會係呢個熟度。 同埋我地 d 雞扒係用蘿蔔同唔知乜野一齊醃制 (個姐姐真係同我講 "唔知乜野"), 所以有呢個顏色係正常」
聽到呢度, 我己經再冇心力再同佢對答。
好明顯見到塊雞扒內層係有明顯粉紅色, 咁都可以話係冇問題?! 呢塊唔係牛肉, 牛肉就算有血我都夠膽食。 疫情之下, 面對一塊唔熟的雞扒, W Burger 你地有冇為過客人的健康著想? 另外佢話要客人要求先會煮到熟透? 喂, 我點知你上菜會上一塊唔熟的雞扒比我? 我可以預知未來咁喺落單時叫你煎熟 d? 雞肉要全熟係常識吧? 同埋蘿蔔呢, 我只知道有白色同橙紅色, 相信就算醃塊扒七七四十九日再拎返出嚟都唔會係粉紅色 o既!
總括嚟講, 我唔知係個侍應真係唔識定係佢地真係好似一如佢所講, 塊雞扒唔熟透係佢地特有的烹調手法; 又或者係間舖根本唔在乎我地呢 d 非熟客吧?
大家如果去呢度想叫雞扒 burger 的話, 記得要喺落單時指明要全熟, 如果唔係就會好似我咁。
Post