Video
Read full review
2018-03-22
6456 views
意大利籍廚師主理家庭式意大利菜，將真正意大利家庭既日常菜帶到香港，除左堂食仲可以外賣手工意粉自己煮。留意番只開一至六1130-1700，大家唔好摸門釘。店外既招牌相緊係唔少得大廚個靚仔樣，幾專心去整意粉，入面用上左簡潔既裝修，全間店都係得十幾二十個位度。全店既裝修都好簡潔，主色用左白色加上牆上面有個圓古碌既招牌同埋好多意粉既圖貼左係牆上面。側邊有個雪櫃放左好多手工製既意粉，全部都整得好細緻，一包包放哂係度如果你有心機既可以買黎煮。意粉之前先黎個麵包，麵包較為硬身，隔邊既醋都幾香幾好味，點上麵包酸味味咁幾開胃。先試《意大利手工波菜芝士雲呑》($75)，上枱後即磨芝士上面，雲呑形狀工整，釀入Ricotta芝士同菠菜，成個口感較為黏身，餡料有芝士香再加上香氣十足黑松露汁。第二款《意大利手工貓耳朵配辣腸》($68)，貓耳朵夠的骰，意粉較為煙韌同黏身，西西里汁濃郁辣腸辣度高。配左杯酸檸檬汁，真係新鮮整出黎仲有啲檸檬肉係入面，飲落真係夠哂新鮮夠哂酸，成個飲完即時醒哂。甜品揀左《士多啤梨雪糕》($38)，雪糕上加左10年意大利陳醋，雪糕一出黎太硬身，食落似雪葩口感酸度較重。店名：Pasta Zone
意大利籍廚師主理家庭式意大利菜，將真正意大利家庭既日常菜帶到香港，除左堂食仲可以外賣手工意粉自己煮。留意番只開一至六1130-1700，大家唔好摸門釘。
店外既招牌相緊係唔少得大廚個靚仔樣，幾專心去整意粉，入面用上左簡潔既裝修，全間店都係得十幾二十個位度。
全店既裝修都好簡潔，主色用左白色加上牆上面有個圓古碌既招牌同埋好多意粉既圖貼左係牆上面。
側邊有個雪櫃放左好多手工製既意粉，全部都整得好細緻，一包包放哂係度如果你有心機既可以買黎煮。
意粉之前先黎個麵包，麵包較為硬身，隔邊既醋都幾香幾好味，點上麵包酸味味咁幾開胃。
先試《意大利手工波菜芝士雲呑》($75)，上枱後即磨芝士上面，雲呑形狀工整，釀入Ricotta芝士同菠菜，成個口感較為黏身，餡料有芝士香再加上香氣十足黑松露汁。
第二款《意大利手工貓耳朵配辣腸》($68)，貓耳朵夠的骰，意粉較為煙韌同黏身，西西里汁濃郁辣腸辣度高。
配左杯酸檸檬汁，真係新鮮整出黎仲有啲檸檬肉係入面，飲落真係夠哂新鮮夠哂酸，成個飲完即時醒哂。
甜品揀左《士多啤梨雪糕》($38)，雪糕上加左10年意大利陳醋，雪糕一出黎太硬身，食落似雪葩口感酸度較重。
店名：Pasta Zone
地址：觀塘開源道60號駱駝漆大廈3期1樓J室
餐牌:
Post
