Video
Read full review
2017-12-15
98 views
觀塘工廈區尋食人時間，行到去接近碼頭有間樓上Cafe，成層都屬於佢地，成個地方都好大，就算公司開Party都焯焯有餘。一行入去佔地真係超級大，仲已經開始有聖誕裝飾，有唔同既掛飾同窗上面都痴左好多聖誕貼紙，行入少少仲有間VIP房，幾個人想私隱少少都可以。牆上面都掛左唔同既畫，岩岩坐既呢度就係呢一幅，令到白色牆上面更多色彩。旁邊雪櫃有個招牌甜品，一睇真係超級靚，不過食完真係太飽就要留番下次先試喇，仲有好大個酒櫃，大家想黎飲番幾杯都無問題。當然唔少得有酒吧位喇，仲有張專用酒吧飲酒台架，拎住杯酒係度飲幾有氣氛。除左黎食野之外，仲有飛鏢同督波可以玩，一大班人黎開Party都唔驚悶，呢次真係可以食住玩。一坐低店員介紹可以叫十蚊隻生蠔，每人可以叫三隻，當晚既係愛爾蘭蠔，雖然唔係好大隻不過幾爽口海水咸味重。前菜小食叫左份《墨西哥薄餅配蕃茄沙沙及牛油果醬》($60)，一份都有四大塊，煎香左薄餅再夾餡料，都幾足料。分別有蕃茄沙沙同牛油果醬，兩隻都好清新，搽上左之後可以中和下入面芝士既膩感。 打開入面真係有好多料，醬料都落得好足同埋上面加左好多芝士，所以食既時候都有輕微拉絲同芝味都幾濃。仲有《美國安格斯肉眼
觀塘工廈區尋食人時間，行到去接近碼頭有間樓上Cafe，成層都屬於佢地，成個地方都好大，就算公司開Party都焯焯有餘。
一行入去佔地真係超級大，仲已經開始有聖誕裝飾，有唔同既掛飾同窗上面都痴左好多聖誕貼紙，行入少少仲有間VIP房，幾個人想私隱少少都可以。
牆上面都掛左唔同既畫，岩岩坐既呢度就係呢一幅，令到白色牆上面更多色彩。
旁邊雪櫃有個招牌甜品，一睇真係超級靚，不過食完真係太飽就要留番下次先試喇，仲有好大個酒櫃，大家想黎飲番幾杯都無問題。
當然唔少得有酒吧位喇，仲有張專用酒吧飲酒台架，拎住杯酒係度飲幾有氣氛。
除左黎食野之外，仲有飛鏢同督波可以玩，一大班人黎開Party都唔驚悶，呢次真係可以食住玩。
一坐低店員介紹可以叫十蚊隻生蠔，每人可以叫三隻，當晚既係愛爾蘭蠔，雖然唔係好大隻不過幾爽口海水咸味重。
前菜小食叫左份《墨西哥薄餅配蕃茄沙沙及牛油果醬》($60)，一份都有四大塊，煎香左薄餅再夾餡料，都幾足料。
分別有蕃茄沙沙同牛油果醬，兩隻都好清新，搽上左之後可以中和下入面芝士既膩感。
打開入面真係有好多料，醬料都落得好足同埋上面加左好多芝士，所以食既時候都有輕微拉絲同芝味都幾濃。
仲有《美國安格斯肉眼扒》($248)，雖然薄身但係有好大塊牛扒，叫左五成薄身得黎中間控制到嫩紅又唔會好靭。
配菜有好多薯塊，用左連皮薯仔好足料，仲有成個烤蒜頭食，岩哂我呢啲蒜頭怪。
主菜有《北海道帶子黑松露意大利飯》($118)，帶子真係又厚又大隻，食落好鮮味，黑松露夠香配搭上半硬身意大利飯。
只要Follow餐廳既Facebook或者IG，就可以有呢杯檸檬蝶豆花飲喇。
店名：Give Me 5地址：觀塘鴻圖道90號5樓
Post
