Video
Read full review
2018-03-13
2261 views
外國既Cafe經常都會有主題有故事，香港就好似比較少呢類cafe，而家呢度就有呢間星座做主題，仲要加幾十蚊就有得玩塔羅占卜。大廈就係先達廣場側邊小巴站就有入口，上到去就會見到好大個牌指你去行，仲有一個好靚既易拉架畫左好可愛既星座野飲。餐牌都好有特色，係畫左唔同既星座圖，成個設計都好岩cafe既主題，攤開就會見到一整幅星座既大圖畫好有心思。當然裝飾方面都唔少得牆上面畫左左唔同既星座，而座位用上左大梳化，坐低感覺就好似屋企咁個環境好舒服。牆上面除左有星座既畫之外，仲有燈都好有特色，中間會有啲公仔係度好靚，台上面都有一啲金句可以睇下。除左外面梳化位之外，仲有一個大大既布簾隔住左既室內位，可以三五知己咁坐係地下玩，除左有個星星既裝飾仲有成間餐廳最靚既發光月球燈。小食叫左《雞翼配蜜糖芥末汁》($68)，雞翼煎起熱辣辣，個皮都好脆身入面仲係好嫩滑，而配左個蜜糖芥末醬點黎食。主菜有《忌廉菠菜雞肉意大利飯》($108)，煮到有好多汁溝埋飯，飯身較淋，味道都係正常同飯量真係幾大份量。另一款主菜有《卡邦尼意粉》($108)，面頭有微微燒香過，意粉都尚算掛汁，又係份量好大份，再加上啲煙肉襯意粉。野飲既杯墊有
外國既Cafe經常都會有主題有故事，香港就好似比較少呢類cafe，而家呢度就有呢間星座做主題，仲要加幾十蚊就有得玩塔羅占卜。
大廈就係先達廣場側邊小巴站就有入口，上到去就會見到好大個牌指你去行，仲有一個好靚既易拉架畫左好可愛既星座野飲。
餐牌都好有特色，係畫左唔同既星座圖，成個設計都好岩cafe既主題，攤開就會見到一整幅星座既大圖畫好有心思。
當然裝飾方面都唔少得牆上面畫左左唔同既星座，而座位用上左大梳化，坐低感覺就好似屋企咁個環境好舒服。
牆上面除左有星座既畫之外，仲有燈都好有特色，中間會有啲公仔係度好靚，台上面都有一啲金句可以睇下。
除左外面梳化位之外，仲有一個大大既布簾隔住左既室內位，可以三五知己咁坐係地下玩，除左有個星星既裝飾仲有成間餐廳最靚既發光月球燈。
小食叫左《雞翼配蜜糖芥末汁》($68)，雞翼煎起熱辣辣，個皮都好脆身入面仲係好嫩滑，而配左個蜜糖芥末醬點黎食。
主菜有《忌廉菠菜雞肉意大利飯》($108)，煮到有好多汁溝埋飯，飯身較淋，味道都係正常同飯量真係幾大份量。
另一款主菜有《卡邦尼意粉》($108)，面頭有微微燒香過，意粉都尚算掛汁，又係份量好大份，再加上啲煙肉襯意粉。
野飲既杯墊有印有星座好特别，《天秤》($58)其實係朱古力奶蓋，《摩羯》($58)就係黑加侖子梳打，入面攪匀會有泡泡好似發光咁好靚。
一場黎到戲玉緊係唔少得會玩埋塔羅，可以問一條問題去測半年既運程，一班人坐下傾下計幾舒服，仲有塔羅玩下幾得意。
店名：語命Cafe
地址：旺角亞皆老街83號先施大廈401室
餐牌:
Post
