Table 18 Bar & Restaurant (Closed)

間餐廳都開咗一排, 上個禮拜黎食dinner, 4個人share咗個牛扒, 1個尖不甩腸(個waiter推介話好食), 仲有個脆皮豬手, 再黎多個南瓜湯同洋蔥湯share, 原來佢地融合咗集團不同餐廳的菜色, 揀咗d出名又多人食o既放響哩度, 所以會有德國香腸同豬手, 又可以其他扒同前菜食, 最後整咗個朱古力軟心蛋糕(唔算太甜, 個軟心暖暖地, 幾ok)同一個杏仁千層酥(攞到黎有d唔捨得食, 因為太靚喇!!!), 4個人分都食唔晒, 甜品的份量都算幾大份。4個人每人都係100蚊多少少, 唔算太貴啦, 而且餐廳環境都算唔錯, d位都好舒服, 傾計聚舊都好ok, 下次有機會都想坐吓吧枱飲野, 相信應該冇諾士佛台咁嘈。