Video
Read full review
2023-11-21
42 views
小弟不嬲鐘意食川菜，麻辣風雲都係心目中的名單當中。今日襯要去旺角買電腦野所以順便去試下。上到去環境比想像中大，用中國古典裝潢，而今晚仲可以係園亭下享受佳餚。今次就叫左麻辣風雲最出名的酸菜魚同炸饅頭，同埋近期的Signature Dish 荔枝蝦球，飲品就叫左菊花蜜。<酸菜魚>由於股東之一恆仔都好鐘意食川菜，所以對呢度的出品都好高要求，所以佢專程搵左超過30年經驗的川菜主廚東哥打理。呢度的酸菜魚首先要讚的係份量超多，基本上成盤都係魚片。另外酸菜係自家製，而魚片係用黑魚片，所以相對上比坊間會厚實彈牙，有咬口，唔會一夾就散。湯底味道平衡，唔會過酸或過辣，同時大家都可以自己調較酸辣度。最後我地加埋薯粉，兩個人食完已經Feel到飽。<炸饅頭>麻辣風雲的炸饅頭不嬲都係打咭首選，因為佢地會將炸饅頭放係古時三國的戰船上，另外上枱時船底仲有乾冰營造係海上運行一樣。但估唔到係睇得又食得，饅頭炸得香脆，又夠熱辣辣，點埋煉奶係最佳的配搭。<荔枝蝦球>呢度比其他川菜食店與眾不同的係會肯去創新，例如近排佢地就出左新招牌菜式荔枝蝦球。當初見個名夠特別所以叫，本身無乜期
<酸菜魚>
由於股東之一恆仔都好鐘意食川菜，所以對呢度的出品都好高要求，所以佢專程搵左超過30年經驗的川菜主廚東哥打理。呢度的酸菜魚首先要讚的係份量超多，基本上成盤都係魚片。另外酸菜係自家製，而魚片係用黑魚片，所以相對上比坊間會厚實彈牙，有咬口，唔會一夾就散。湯底味道平衡，唔會過酸或過辣，同時大家都可以自己調較酸辣度。最後我地加埋薯粉，兩個人食完已經Feel到飽。
<炸饅頭>
麻辣風雲的炸饅頭不嬲都係打咭首選，因為佢地會將炸饅頭放係古時三國的戰船上，另外上枱時船底仲有乾冰營造係海上運行一樣。但估唔到係睇得又食得，饅頭炸得香脆，又夠熱辣辣，點埋煉奶係最佳的配搭。
<荔枝蝦球>
呢度比其他川菜食店與眾不同的係會肯去創新，例如近排佢地就出左新招牌菜式荔枝蝦球。當初見個名夠特別所以叫，本身無乜期望，諗住都係D Gimmick野。一上枱望到荔枝蝦球都幾震憾，好似成盤圓藝品一樣，下面仲有乾冰做襯托。而蝦球真係做得好迫真，炸到成裸荔枝咁，仲要掛係「樹上」，另外仲配上荔枝醬，酸酸甜甜咁幾開胃。
<菊花蜜>
食川菜當然都要飲下野解下辣，今次就叫左菊花蜜，夠晒清甜解渇，飲完喉嚨會好舒服。而且份量都好多，飲極都有，其實都幾抵飲。
Post
