食物款式都有幾多唔同嘅選擇
1
脆皮豬頸肉$78
每次食泰國菜都好鍾意食豬頸肉，炭火燒嘅豬頸肉表面金黃色，味道帶有炭香味，但肉質仲係嫩滑肥美，配上自家製嘅檸檬蕃茄醬，酸酸甜甜非常開胃，而且味道亦增加了層次感。
伴碟嘅蝦片亦非常香脆，但係有香濃嘅蝦味。
阿閒泰炭烤拼盤$248
燒烤拼盤，有虎蝦、燒牛肉、魷魚鬚、香茅雞肉串燒、燒菠蘿和雜菌等。
拼盤𥚃最鍾意食虎蝦，足足有成隻手掌咁大，燒到好香口，入面仲好Juice，而且夠新鮮。
1
牛肉雖然燒得比較熟，但係肉質依然嫩滑；菠蘿非常多汁，燒到有少少燶邊，帶有焦香味，同埋肉一齊食，可以去油膩感。阿閒泰冬蔭功飯 $118
冬蔭功就飲得多，冬蔭功飯真係第一次食，香辣酸甜嘅冬陰功湯汁混和米飯一齊食，就好似食得嘅冬陰功一樣。
入面材料非常豐富而且亦夠新鮮，有蝦、魷魚、青口等等，再加埋番茄和芝士一齊焗，味道好獨特，啲口感微辣，又有酸甜味，混合埋一齊食超級好味。
椰子沙沙配合芒果雪條凍$68
冰沙以椰子汁和芒果為主要成分，味道鮮甜可口。椰子漿的香味和芒果的甜味相融合，口感綿密，清爽怡人。加入雪條的使整道甜點更加豐富，讓口感更加有層次感。
