牛知己 (Closed)

今日同朋友嚟元朗想打下邊爐傾下心事，見到呢間以韓式湯底為賣點嘅放題，一於試下啦。我地嗌左188個set，一講到韓式，我覺得必選大醬湯。因為呢個湯有小小辣辣地，個味夠濃，配肉類一流。而最正嘅係擺啲蘿蔔落去煲到入晒味，十分正。啲肉類雖然我唔識分佢邊隻牛打邊隻牛，但係每一隻都久煮不韌，特別係望落好白好肥果隻其實係好勁嘅雪花，好香牛味。另外佢啲牛肉切嘅厚度岩岩好，唔似其中放題薄到一淥就溶。而呢個set仲包左四款海鮮，但因為太興奮唔記得影相。而且我今晚將個重心擺返左喺啲牛肉度🤣佢出面仲有啲熱食，蔬菜類，飲品俾你任食，性價比確實高，最重要當時唔少得乳酪雪糕做結尾啦！