一支公就去咗試試水
懷舊魯肉飯(小) $34
味道同市面上食到嘅甜口唔同
呢個偏鹹口
肉汁較稀 同台灣嘅魯肉飯睇上去最相近
肉肥瘦相間 粒粒分明 燜到好軟爛
配上一片酸蘿蔔解膩
好食!
地瓜拉餅 $29
一片油酥餅皮夾一層薄薄嘅地瓜餡 配上辣椒醬
即叫即煎 熱辣辣 脆卜卜
鹹味中帶絲地瓜甜
但配辣椒醬就感覺唔太襯 味道怪怪地
但係有醬又會覺得有啲油同乾
但鍾意油酥餅嘅我都係覺得好好食
芋頭奶茶 $25+珍珠 (+$3) 微糖
呢杯嘢同我想像有啲出入
我以為係芋頭+奶茶+珍珠
結果係芋頭奶粉+罐頭芋頭+茶+珍珠
所以呢杯嘢係超假芋頭奶 (完全冇茶味)
亦都導致呢杯嘢甜過糖漿
應該叫無糖都會係全糖嘅甜度
興幸啲珍珠煮得啱啱好
而且冇浸糖水 唔係會甜到入唔到口
呢杯嘢會啱一啲終極螞蟻人+假芋頭愛好者
整體而言
裝潢好有台灣 style
上菜速度好快
份量都正常足料
而且佢係有午市套餐
性價比算高
